Haplos Ng Palad

Sa mga sandaling ako'y nag-iisa

at iniwan ng mga taong akala ko'y makakasama

sa mga lungkot at pighating akin ngayong nadarama

ay gusto ko ng sumuko dulot sa dami ng problema

May mga sandali ring 'di ko lubos maintindihan

pero alam kong nandiyan lang ang May Likhang nakamasid

sa mga pagkakataong gusto ko ng sumuko sa laban

Siya ang aking nagiging lakas at natatanging sandigan

Maraming mga sandaling nakaklimot ako sa Kaniya

at may mga pagkakataon ding sinusumbatan ko Siya

subalit ngayon ko lang naisip na sa kabila ng pagdurusa

Siya lamang ang malalapitan ko sa lahat ng aking problema

Ang pananalig ko sa Kaniya ay walang kapantay

sapagkat Siya ang mananatili kong kakampi sa aking buhay

kahit pa dumating ang araw ng aking pagkamatay

haplos ng palad Niya ang saki'y magpapatibay.